Google ADS

Dua Lipa përzgjedh njëmbëdhjetëshin e saj në videolojën e FIFA-s, fut edhe tre shqiptarë

20:05 | 15 Dhjetor 2020
Arbresh.info

Artistja shqiptare me renome botërore, Dua Lipa, është pjesë e video-lojës më të re, FIFA 21.

Duke qenë pjesë e saj, ajo së fundmi ka përzgjedhur njëmbëdhjetëshin e saj në FIFA, ku ka inkuadruar dy futbollistët e Kombëtares së Kosovës.

Bëhet fjalë për dy lojtarët e njohur shqiptarë: Milot Rashica dhe Amir Rrahmani.

Po ashtu pjesë e formacionit është futbollisti shqiptar që luan për Përfaqësuesen e Zvicrës, Granit Xhaka.

Ka qenë faqja e EA Sports FIFA ajo e cila ka publikuar formacionin e përzgjedhur nga vet këngëtarja Lipa.

“Mendoni se keni atë që duhet për të mposhtur skuadrën e Dua Lipës? Luani betejën e saj të veçuar të skuadrës tani në #FUT21 për një kohë të kufizuar”, thuhet në njoftimin e EA Sports FIFA në Twitter.

Të tjerë emra të njohur në formacionin e këngëtares janë: Alisson, Ferdinand, Van Dijk, Arnold, Saka, Phillips, Maradona dhe Aubameyang. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm